S Dritti Lehrjahr und News vo de Family

08.05.2012
 
Nomal es Wücheli Ferie därfe gnüsse ..... und während s letschte ja würklich is Wasser gfalle isch - hemmers dasmal richtig chönne gnüsse - zwar hets Wätter nid so ganz mitgspielt - aber defür sind d Stubefänster wieder emal richtig putzt samt Rähme :-)
De Luca rasslet im Galopp uf d LAP zue am Fritig 11.5  am halbi 2 het er die praktisch LAP
En schöne Usflug hend de Gery und ich denn aber i dere Wuche Ferie doch no därfe gnüsse - über La Neuveville uf d St. Petersinsel - danke allne wo eus das gschänkt händ...
De Luca indes nimmt Fahrstunde.... (Mütter nehmt die Kinder rein - Luca macht den Führerschein)
Sini ersti Fahrstund hett en über Hettlinge id Tössalmend gfüehrt - die 2. über Buch am Irchel - Hoppla läbed mini Chefin und mini Mitarbeiterin gfährlich.... :-) Und natürlich hani am Luca zum 18. es Auto gschenkt ( söll mer ja keine naasäge isch schenki mim Jung keis Auto zum 18.  - ja und s Legoauto isch denn au rassig zämegsetzt gsii :-)
14.4.2012
 
26. März 2012 - de Luca isch 18 worde - scho chli komischs Gfühl gsi en erwachsene Sohn z ha... susch isch er immer no lieb lässig Hammer Teenie (Tschuldigung - erwachsene junge Maa) :-)
Konservation chunnt mängisch echli z churz - da mer ganz unterschiedlichi Arbetszyte hend - und das kollidiert öppe mal es bitzli aber mer händ eus gägesitig ganz guet im  Griff :-)
Letschti Wuche het de Luca s Vorabschlussgspräch mit Quali gha mir de Bruefsnildnerin und em Lehrmeister.... alles 5 + 6 i de Benotig ... WOW da därf er absolut stolz si...
indes hend de Gery und ich euse 19. Jahrestag gfiiret am 4. April (bitte nid narächne wie alt de Luca isch) :-) und hend e Pizza gnosse im Molino bimene Glesli Wii, später sind denn no mini Eltere dezue cho de Papi isch grad a dem Tag 80 worde...
Am nächste Tag Früehschicht - han mich so richtig schlappgfühlt - und d Chefin und mini Mitarbeiterin Nadine händ mich denn am Mittag no chli uf d Schippe gnoh - wäge mim Chopfweh - s letschti Glesli Wii segi öppe denn nid guet gsi -.-
 
Ja das Glesli isch e Stirnhöhlevreiterig gsi -.-` mit em Antibiotika ischs denn aber relativ rassig wieder gange - trotzdem hani vo mine Ferie nid so viell gha - am liebste under d Bettdechi kuscheled :-)
12.11.2011
 
Sooooo - au mir wäred wieder mal bi de Lüüt :-) D Homepage isch grad chli z churz cho i de letschte Mönet...
... ich han mini Arbetsstell gwächslet - ja und schaffe jetzt inere Bäckerei als Fachverchäuferin. S Gfallt mer superguet - aber isch viell neus gsi... aber mittlerwile chunnt d Routine...
De Luca isch bereits bald im Endspurt i de Lehr no 8 Mönet - heieiei - wo isch die Zyt blibe - erscht no isch er s erschtimal ganz stolz zum Hus us zottlet -.-`