Freunde vonD` Lehr und de Teeniebricht vom Luca - Seite 10
So, scho die drissgischti Wuche... de Luca startet wieder wie immer guetgluunet. Am Ziischtig chunnt er dänn aber e chli chliiluut hei - hät ÜK gha - s erschtmal e Hammernote nach abe hiigleit - en 3,7!!!
Während ich das eigentlich no glasse nime, isch de Luca aber en arme Buurscht - erbarmigslos hät er de Daddy Gery am Hals - im Viertelstundetakt steckt dä sin Chopf im Luca sis Zimmer und erklärt sim Sohn rigoros, er müessi meh lerne, frägt hundertmal, warum er dänn sone Note aneleggi, prophezeit ihm, das ihm jetzt sicher es Gspräch mit de Bruefsbildnerin bevorstöchi - und ich han de Luca dänn verstande, dass er irgendwänn d Auge verdräihet hät und gmeint hät: isch ja guet, Daddy, häsch du nie e schlächti Note gha???
So isch natürlich grad s Gschichtli vom Daddy Gery cho, er hebi während de ganze Schuelzyt und Lehrzyt NIE e Note undereme 5 übercho!!! Ja, wärs glaubt, wird selig und wer`s nid glaubt chunnt au in Himmel :-)
Während ich das eigentlich no glasse nime, isch de Luca aber en arme Buurscht - erbarmigslos hät er de Daddy Gery am Hals - im Viertelstundetakt steckt dä sin Chopf im Luca sis Zimmer und erklärt sim Sohn rigoros, er müessi meh lerne, frägt hundertmal, warum er dänn sone Note aneleggi, prophezeit ihm, das ihm jetzt sicher es Gspräch mit de Bruefsbildnerin bevorstöchi - und ich han de Luca dänn verstande, dass er irgendwänn d Auge verdräihet hät und gmeint hät: isch ja guet, Daddy, häsch du nie e schlächti Note gha???
So isch natürlich grad s Gschichtli vom Daddy Gery cho, er hebi während de ganze Schuelzyt und Lehrzyt NIE e Note undereme 5 übercho!!! Ja, wärs glaubt, wird selig und wer`s nid glaubt chunnt au in Himmel :-)
Zum Glück isch dänn grad en Fuessballmatch cho im Färnseh, wo de Daddy Gery dänn interessiert hät und de Junior hät sini Rueh gha:-)
Ich han die einti schlächti Prüefig nid so tragisch gno - bis jetzt hät de Luca würklich immer nur Super Note bracht - und ich glaube kein Lehrling schaffts die ganzi Lehrzyt mit Supernote dure...
Aber, wie de Daddy Gery isch, so schnäll, wien er sich ufregt (das känned mir ja sit all dene Jahre) so schnäll beruhigt er sich au wieder und hät mir dänn am Mittwuch gseit, er welli mit em Luca am Dunnschtig an en Match - öb mir das rächt segi... und wie mir das rächt isch... de Gery und ich sind richtigi Stubehocker - nur ja nid in Uusgang und wänn er und ich je öppe drüümal im Jahr am Abig furtgönd isch das scho richtig viel :-)
Ja und so han ich de Abig wo mini Manne furt gsi sind gnosse....
Ich han die einti schlächti Prüefig nid so tragisch gno - bis jetzt hät de Luca würklich immer nur Super Note bracht - und ich glaube kein Lehrling schaffts die ganzi Lehrzyt mit Supernote dure...
Aber, wie de Daddy Gery isch, so schnäll, wien er sich ufregt (das känned mir ja sit all dene Jahre) so schnäll beruhigt er sich au wieder und hät mir dänn am Mittwuch gseit, er welli mit em Luca am Dunnschtig an en Match - öb mir das rächt segi... und wie mir das rächt isch... de Gery und ich sind richtigi Stubehocker - nur ja nid in Uusgang und wänn er und ich je öppe drüümal im Jahr am Abig furtgönd isch das scho richtig viel :-)
Ja und so han ich de Abig wo mini Manne furt gsi sind gnosse....
Z erscht isch zwar no ziemlich turbulänt gsi... Füürwehrauto verrusse... Tumult im Stägehuus - eis Gschrei - ei Hektik - ich bin gar nid naacho, was eigentlich gsi isch - bränne tuets niened - susch wär meh Betrieb - und nach Rauch schmöckts au niened - mir egal, ich wirds no gnueg früeh erfahre... und plötzlich isch himmlischi Rueh gsi... D Füürwehrmännli ab...
Und ich han 140 Siite im Buech vo de Jodi Picoult gläse... und näbedbi no chli mit de Barbara g-Sms-let aber nid übers Gschäft - Fiirabig isch Fiirabig und de Kolja git gnueg Gsprächsstoff zwüsched öis (Details under chline Kolja) :-)
Und ich han 140 Siite im Buech vo de Jodi Picoult gläse... und näbedbi no chli mit de Barbara g-Sms-let aber nid übers Gschäft - Fiirabig isch Fiirabig und de Kolja git gnueg Gsprächsstoff zwüsched öis (Details under chline Kolja) :-)
Friitig, 5. März 2010
WOW!!! De Luca hät e Luune!!! Kei Ahnig, was ihm für e Luus über d Läbere gloffe isch, säge will er nüüt und Fräge därf mer nid - das heisst, mer därf scho, chunnt aber so e chnurrigi Antwort über, dass mer s Chinderzimmer gschider grossrümig umfahrt (was no schwierig isch bi öisere chlitzechliine Wohnig) - aber was ich därf - am Prinz Luca no Znacht mache....
Irgendwie bin ich aber dänn am Abig so gnärvt gsi, dass ich ihn aapfuderet han er chönni sin Seich (Hämpli und Tischi bügle und sin Znacht) ab jetzt sälber mache...
Han aber hüt morge am Samschtig 6. März glich müesse grinse, warum ich mich so gnärvt han .... mir händs ja eigentlich so ring mit öisem Teenie - er macht fascht gar nie Stress - isch aaständig und respektvoll... Ja und ebe er isch halt ersch knapp sächzähni - (und vo Bruef Teenager, wiener seit :-)
WOW!!! De Luca hät e Luune!!! Kei Ahnig, was ihm für e Luus über d Läbere gloffe isch, säge will er nüüt und Fräge därf mer nid - das heisst, mer därf scho, chunnt aber so e chnurrigi Antwort über, dass mer s Chinderzimmer gschider grossrümig umfahrt (was no schwierig isch bi öisere chlitzechliine Wohnig) - aber was ich därf - am Prinz Luca no Znacht mache....
Irgendwie bin ich aber dänn am Abig so gnärvt gsi, dass ich ihn aapfuderet han er chönni sin Seich (Hämpli und Tischi bügle und sin Znacht) ab jetzt sälber mache...
Han aber hüt morge am Samschtig 6. März glich müesse grinse, warum ich mich so gnärvt han .... mir händs ja eigentlich so ring mit öisem Teenie - er macht fascht gar nie Stress - isch aaständig und respektvoll... Ja und ebe er isch halt ersch knapp sächzähni - (und vo Bruef Teenager, wiener seit :-)
So, es isch Samschtigzabig 6. März 2010
Mir startet alli dure is Wuchenänd...
Was am Dunnschtigzabig bi öis los gsi isch, dass d Füührwehr hät müesse aarucke hanich inzwüsche au erfahre... D Fernanda (mir sind Parterre und sie wohnt mit ihrem Maa rächts gegenüber im erschte Stock) hät anschiinend en Rohrbruch gha - ja und d Fernanda isch ganz e liebi Person und im Summer chömmed mir Kilowiis Gmües über usem Garte... aber sie suuft wienes Loch - und hätts im Suff nid gschnallt, dass bi ihre Wasser uusglofffe isch und isch go penne - und d Türkefamilie wo under ihre wohnt händ es Hallebad gha:-(
Ebe d Fernanda - vor öppe siebe Jahr hätt sie mal probiert Schnaps z bränne i de Chuchi - aber das isch nid guet cho - will sie meh als nümme nüechtern gsi isch und hät so ihri ganzi Chuchi id Luft gjagt... aber da mir ufem andere Bödeli wohned häts öis nur grad so breicht, dass uf minere Kommode im Gang alles durenandpurzlet isch....
So, jetzt bin ich vom Thema abcho.... ebe de Samschtigabig... de Luca gaht go Dusche und strähled dänn immer wieders sini Haare eimal de Scheitel chli nach linggs - dänn d Franse nach abe - und d Frag - gsehn ich guet us, Mami??? Ja, han ich gseit, gsehsch super uus - und er - gseht scheisse uus... - also ab is Bad mit Fön - mer muess sich schönmache fürs Nici :-)
Wieder usem Bad : Daddy häsch en Rasierer???
De Gery benutzt nur Rasierklinge und kein Rasierapparat, de Luca will devo nüüt wüsse... Begriif das, er weiss ja gar nid, wie mit Rasierklinge und Rasierschuum umgah...
Und em Daddy Gery sini Antwort: Ich schletze eimal d Türe richtig zue und dänn isch de Fluum au wäg :-)
Mir startet alli dure is Wuchenänd...
Was am Dunnschtigzabig bi öis los gsi isch, dass d Füührwehr hät müesse aarucke hanich inzwüsche au erfahre... D Fernanda (mir sind Parterre und sie wohnt mit ihrem Maa rächts gegenüber im erschte Stock) hät anschiinend en Rohrbruch gha - ja und d Fernanda isch ganz e liebi Person und im Summer chömmed mir Kilowiis Gmües über usem Garte... aber sie suuft wienes Loch - und hätts im Suff nid gschnallt, dass bi ihre Wasser uusglofffe isch und isch go penne - und d Türkefamilie wo under ihre wohnt händ es Hallebad gha:-(
Ebe d Fernanda - vor öppe siebe Jahr hätt sie mal probiert Schnaps z bränne i de Chuchi - aber das isch nid guet cho - will sie meh als nümme nüechtern gsi isch und hät so ihri ganzi Chuchi id Luft gjagt... aber da mir ufem andere Bödeli wohned häts öis nur grad so breicht, dass uf minere Kommode im Gang alles durenandpurzlet isch....
So, jetzt bin ich vom Thema abcho.... ebe de Samschtigabig... de Luca gaht go Dusche und strähled dänn immer wieders sini Haare eimal de Scheitel chli nach linggs - dänn d Franse nach abe - und d Frag - gsehn ich guet us, Mami??? Ja, han ich gseit, gsehsch super uus - und er - gseht scheisse uus... - also ab is Bad mit Fön - mer muess sich schönmache fürs Nici :-)
Wieder usem Bad : Daddy häsch en Rasierer???
De Gery benutzt nur Rasierklinge und kein Rasierapparat, de Luca will devo nüüt wüsse... Begriif das, er weiss ja gar nid, wie mit Rasierklinge und Rasierschuum umgah...
Und em Daddy Gery sini Antwort: Ich schletze eimal d Türe richtig zue und dänn isch de Fluum au wäg :-)
Durestarte i die nöi Wuche...
De Luca hät hüt uf Walliselle müesse - i de nächste drüü Wuche isch er z Walliselle im Coop - dä wird per ändi März gschlosse und näbeddraa e nöi Filiale eröffnet - i de Folg muess s Personal vo de "alte" Filiale scho im "nöie" Coop go iiruume und iirichte und die "alti" Filiale wird i de letschte drüü Wuche nur vo Lehrling gfüehrt (allerdings under Obhuet vomene Gschäftsfüehrer und ere Kassechefin)
De Luca hät de Plausch - hüt isch er im Food gsi...
... aber allwäg ischs sträng gsi - nonig ganz zur Huustür ine, rüeft er scho: ZNACHT????
Späck mit Spiegelei hät er dänn gnosse....
...und mich nachhär no chli gforderet... er suechi es Lied... hebi glaub no chli Klavier im Hintergrund...
(???)
Ich durforschte mal mini graue Hirnzälle ... chönntis Happy Birthday vo Flipsyde sii???
Luca schüttled de Chopf, woni das Lied abspiele - und wird chli präziiser: Das hebid mir immer zäme i de spaate 90 er Jahr gloset....
Oh jee - da isch de Luca 5 - 6 gsi, was hämmer dänn det bloss gloset mitenand???
Nomal mini graue Hirnzälle uf Vordermann bringe - ja ändi 90 er Jahr simmer viell zäme im Chindermuseum gsi, won er sich hät chönne uustobe ( schön und guet, aber bringt mer im Momänt usser schöne Errinnerige nüüt), mer händ Kilowiis Büecher us de Bibliothek treit, will er immer hät wellä Gschichtli lose am Abig (au schön, aber bringt mer au nid viell meh im Momänt)
D Badi Oberi isch vor öisere Wasserratte nid sicher gsii - e wiiteri schöni Erinnerig..... aber was meint er bloss füres Lied????
und woner dänn am Dusche gsi isch han ich mal Youtoube duregsuecht - alles mögliche i de Suechi iigäh - ohni Ergäbnis...
De Luca hät hüt uf Walliselle müesse - i de nächste drüü Wuche isch er z Walliselle im Coop - dä wird per ändi März gschlosse und näbeddraa e nöi Filiale eröffnet - i de Folg muess s Personal vo de "alte" Filiale scho im "nöie" Coop go iiruume und iirichte und die "alti" Filiale wird i de letschte drüü Wuche nur vo Lehrling gfüehrt (allerdings under Obhuet vomene Gschäftsfüehrer und ere Kassechefin)
De Luca hät de Plausch - hüt isch er im Food gsi...
... aber allwäg ischs sträng gsi - nonig ganz zur Huustür ine, rüeft er scho: ZNACHT????
Späck mit Spiegelei hät er dänn gnosse....
...und mich nachhär no chli gforderet... er suechi es Lied... hebi glaub no chli Klavier im Hintergrund...
(???)
Ich durforschte mal mini graue Hirnzälle ... chönntis Happy Birthday vo Flipsyde sii???
Luca schüttled de Chopf, woni das Lied abspiele - und wird chli präziiser: Das hebid mir immer zäme i de spaate 90 er Jahr gloset....
Oh jee - da isch de Luca 5 - 6 gsi, was hämmer dänn det bloss gloset mitenand???
Nomal mini graue Hirnzälle uf Vordermann bringe - ja ändi 90 er Jahr simmer viell zäme im Chindermuseum gsi, won er sich hät chönne uustobe ( schön und guet, aber bringt mer im Momänt usser schöne Errinnerige nüüt), mer händ Kilowiis Büecher us de Bibliothek treit, will er immer hät wellä Gschichtli lose am Abig (au schön, aber bringt mer au nid viell meh im Momänt)
D Badi Oberi isch vor öisere Wasserratte nid sicher gsii - e wiiteri schöni Erinnerig..... aber was meint er bloss füres Lied????
und woner dänn am Dusche gsi isch han ich mal Youtoube duregsuecht - alles mögliche i de Suechi iigäh - ohni Ergäbnis...
Und plötzlich häts "Klick" gmacht... da isch doch früehner das Musikvideo gsii, wonen so faszinert hät - also nomal uf Youtoube - und woner vom Dusche cho isch - stolz mini "Recherche" zeige... Er isch begeischeret gsi - und hät siebemal Merci gseit - und das muess mer grad uusnütze, also han ich uf mini Bagge tippet - und wow - es chliises Küssli uf d Bagge ergatteret!!! Hät sälteheitswärt :-) Wäsch mis Gsicht jetzt bestimmt drüü Wuche lang nümme :-)
So, die Wuche isch au scho wieder ume - de Luca hät de Plausch, z Walliselle im Coop. Hüt isch er de ganzi Tag a de Kasse gsi und hät mir am Abig stolz brichtet: xxxxxx Chunde bedient, xxxxxx Umsatz a "siinere" Kasse gmacht und nume 30 Rappe differenz gha - Super!
Hüt z Abig hät er sich wieder mal mit de Jäse troffe, sinere ehemalige Schuelkollegin und am Sunntig, will er go Bähnle - hät e Riiesereis planet - und wott scho am morge am sächsi uf d Pischte - und jetzt hämmer halbi eis Znacht - Viel Spass bim uufstah, min Sohn :-)
Ich chan ja lieggebliibe :-)
Hüt z Abig hät er sich wieder mal mit de Jäse troffe, sinere ehemalige Schuelkollegin und am Sunntig, will er go Bähnle - hät e Riiesereis planet - und wott scho am morge am sächsi uf d Pischte - und jetzt hämmer halbi eis Znacht - Viel Spass bim uufstah, min Sohn :-)
Ich chan ja lieggebliibe :-)
Sunntigabig 22.00
So, de Wandervogel isch wieder dihei - hät tatsächlich uufmöge - ja er isch no jung - und mit de Bilanz: Winti - Züri - Bärn - Lausanne - Sion - Brig - Andermatt - Disentis - Chur - Züti - Winti... ja er hät halt de Plausch am Bähnle öise Junior - und wonich ihn gfräget han, was häsch eigentlich gässe: 2 mal Burger King XXL Burger, XXL Pommes, Cola...
ja, wenigschtens hät er sich gsund ernährt de Junior :-)
So, de Wandervogel isch wieder dihei - hät tatsächlich uufmöge - ja er isch no jung - und mit de Bilanz: Winti - Züri - Bärn - Lausanne - Sion - Brig - Andermatt - Disentis - Chur - Züti - Winti... ja er hät halt de Plausch am Bähnle öise Junior - und wonich ihn gfräget han, was häsch eigentlich gässe: 2 mal Burger King XXL Burger, XXL Pommes, Cola...
ja, wenigschtens hät er sich gsund ernährt de Junior :-)
So, de Luca startet wieder guet dure i die nöi Wuche - hüt isch er wieder a de Kasse gsi - und d Bilanz: wieder xxxxxx Chunde bedient - wieder xxxxxxx Umsatz und dasmal NULL DIFFERÄNZ!!! Bravo, min Sohn!!
Aber Heieieiei... wie schafft er das bloss immer???
Dezue muess ich es bitzli uushole... wo mer de Lehrvertrag unterschriebe händ, hät mer öis und am Luca gseit, dass er im zweite Lehrjahr in e chliineri Filliale muess für es halbs Jahr , zum d Gägesätz z gseh - zumene grosse Megastore Coop. So hät mer am Luca gseit, er müessi dänn im zweite Lehrjahr uf Eglisau...
Dezue muess ich es bitzli uushole... wo mer de Lehrvertrag unterschriebe händ, hät mer öis und am Luca gseit, dass er im zweite Lehrjahr in e chliineri Filliale muess für es halbs Jahr , zum d Gägesätz z gseh - zumene grosse Megastore Coop. So hät mer am Luca gseit, er müessi dänn im zweite Lehrjahr uf Eglisau...
Öisen Bähnlerfreak studiert natürli d Verbindige ganz genau und erkännt sofort, dass die vo Oberi uf Eglisau uf Dütsch gseit "Scheisse" sind....
Und während ich ihm säge: Luca das isch halt so, da muesch durebisse - nimmt de Junior grad en günschtige Momänt während eme Event wahr und suecht s Gspräch mit de Bruefsbildnerin... chann mers grad bildlich vorstelle - Facts über d Zugverbindige - und das alles paart mit eme Blick us graublaue Softieauge... jedefalls hät d Bruefsbildnerin det gseit - sie well mal luege...
... Ja und so isch de Luca hüt fröidestrahlend heicho mit eme Brief -er därf das halbjahr im Effi Märt mache!!!
Zischtig, 16.März 2010
Inestürme z abig am halbi nüüni - nonig mal d Jagge abzoge - aber bereits de PC iigschalte .... knapps Hallo... und zäh Minute später de Chüelschrank inspiziere: "Häts nüüt gschiids Znacht???"
Grüezi Luca - wünsch Dir au en schöne Abig :-)
Inestürme z abig am halbi nüüni - nonig mal d Jagge abzoge - aber bereits de PC iigschalte .... knapps Hallo... und zäh Minute später de Chüelschrank inspiziere: "Häts nüüt gschiids Znacht???"
Grüezi Luca - wünsch Dir au en schöne Abig :-)
Übrigens - er isch nid verhungeret - es hät durchuus es Aagebott im Chüeli gha, won em dänn doch no passt hätt :-)
Und nach eme gfüllte Mage und vor de wohlverdiente heisse Duschi - hät er mir dänn doch no verzellt, was ihn so gnärvt hät...
So hät er wieder Kassedienscht gha... und da segi e Chundin cho und hebi es Getränkeagebott für 8.80 - statt 13. 20 wellä - und mit eme Prospäkt umegwädlet... nur isch das en Migros Prospäkt gsi und nid eine vom Coop und de Luca hät fründlich druf hiigwise... devo hät die Dame allerdings nüt wellä wüsse und gfunde - Aktion segi Aktion :-(
Nachdems de Luca ihre aber zwangsmässig hät müesse uusrede - hät er di nächschti Chundin bedient, wonin öppis hät welle Fräge - und da hebi d "Aktionsprospäktmadam" giftlet: "De" selli sie nüüt fräge, de chämi ja nid druus!!!
Das hät en ächt möge.....
De Luca isch en liebe, en aschtändige - en fröhliche - mängisch en geduldige - mängisch en ungeduldige, en stuure - gliichziitig en nachsichtige - chan eim uf 180 uebringe und i de nächste föif Minute mit sim softieblick zum Schmelze bringe... aber er isch sehr sensibel...
So hät er wieder Kassedienscht gha... und da segi e Chundin cho und hebi es Getränkeagebott für 8.80 - statt 13. 20 wellä - und mit eme Prospäkt umegwädlet... nur isch das en Migros Prospäkt gsi und nid eine vom Coop und de Luca hät fründlich druf hiigwise... devo hät die Dame allerdings nüt wellä wüsse und gfunde - Aktion segi Aktion :-(
Nachdems de Luca ihre aber zwangsmässig hät müesse uusrede - hät er di nächschti Chundin bedient, wonin öppis hät welle Fräge - und da hebi d "Aktionsprospäktmadam" giftlet: "De" selli sie nüüt fräge, de chämi ja nid druus!!!
Das hät en ächt möge.....
De Luca isch en liebe, en aschtändige - en fröhliche - mängisch en geduldige - mängisch en ungeduldige, en stuure - gliichziitig en nachsichtige - chan eim uf 180 uebringe und i de nächste föif Minute mit sim softieblick zum Schmelze bringe... aber er isch sehr sensibel...
Ich glaub, er lernt grad d Tücke im Verchauf känne, han probiert e chli mit ihm z rede, aber kei grosse Erfolg gha.....
Ja und wänn de Luca scho am halbi zwölfi *****freiwillig***** is Bett gaht - dänn ischs würklich nid sin Tag gsii....
WIITERS GAHTS BIM LEHR UND TEENIEBRICHT/2
Ja und wänn de Luca scho am halbi zwölfi *****freiwillig***** is Bett gaht - dänn ischs würklich nid sin Tag gsii....
WIITERS GAHTS BIM LEHR UND TEENIEBRICHT/2