Gästebuch

Kommentar vom Dienstag, 24. Januar 2012

Liebi Ursle,
Merci viumou für Di Gäschtebuech-Iitrag u für die vile Komplimänt - das het mi grad u gfröit!
Jo, mir/üs geit's sowyt tiptop - s'isch zwüschedüre chly sträng (s' müehsame Pflotschwätter treit no grad derzue bi), aber im Grosse u Ganze louft's scho wider rächt rund. We o chly langsamer u weniger effiziänt aus o scho, wüu meischtens der Mateo eine vo mine Arme bsetzt oder zmingscht im Tragtuech a mir aabunge isch. Aber i gniesse das jo eigentlech sehr! S' wär eifach no chly erhousamer u schöner zum Gniesse, we nid geng so viu würd blibe lige ;-). Aber die bsungeri Aafangs-Zyt mit em Mateo chunnt nie meh - u ufruume, putze u flicke chan i no mis ganze Läbe lang - auso versuechen i, die Sach chly locker aazluege ;-).
So, u jitz sött i langsam mou is Bett - der Tag foht bi üs (leider) früeh a (u das nid wäg em Bébé, sondern wäg der Schueu - grummel).
Ganz e' härzleche Gruess zrügg * Céline.
Ps.: Bittebitte, isch gärn gscheh mit em Chärtli...

Kommentar vom Freitag, 20. Januar 2012

Hallo Nicole,
Jo, i bi ändlech wider mou chly dra, Öppis a üsere Familie-Homepage z' mache... Hoffentlech gseht me dervo o gly mou Öppis!
Ganz e' liebe Gruess u merci für e' GB-Iitrag * Céline.

Kommentar vom Mittwoch, 4. Januar 2012

Liebi Tanja,
Merci viumou für Diner liebe Wort - jo der Mateo isch würklech zum Knuddle. I mache's o geng wider - u siner Gschwüschterti o (je nach Auter isch es de mängisch eher es Fasch-Verdrücke oder Abschlabere u d' Mamma muess geng chly wehre u ufpasse). Öie oberlieb Gruess hei mir berchoo u mir hei ganz fescht Fröid dran gha! Das Päckli isch würklech z'viu gsy: bim Uspacke het's ganz viu AAAH's u OOOH's gä z' ghöre - afe merci viuviumou! D' Ching hei ganz fescht Fröid a au dene Überraschige u i ha natürlech u Fröid gha a däm länge Brief vo Dir!!!
I ha afe einisch es Mail a Di aagfange, aber när han i hurti dervo müesse (natürlech ohni abzspichere) u i dere churze Zyt isch üse Häcker Noel a Compi u won i wider bi cho, isch der Text wäg gsy. Sit denn han i d' Zit grad nümm gfunge, mi nomou derhinger z' setze - aber es steit ganz obe (rsp. zoberscht) uf der Pendänzelischte... I wett nume afe söfu säge (bzw. schriibe): i würd mi sehr über ne Bsuech vo Dir fröie :-) !!! Jitz hoffen i, dass Du die Zile hie lisisch - isch jo schliesslech scho es paar Tag här sit Dim Iitrag - aber i ha's i däm Feschttags-Trubu u mit em Mateo, wo zimlech hungrig isch, chuum gschafft, Di Iitrag freizschaute - sorry!
Afe ganz e' härzleche Gruess u bis glygly * Céline

Kommentar vom Mittwoch, 4. Januar 2012

Liebi Priska,
Wie Du gsehsch, het Di Gäschtebuech-Iitrag üs scho erreicht - i muess d' Gäschtebuech-Iiträg aube eifach no freischaute. U das han i bis jitz eifach no nid gschafft - sorry :-(.
Jo, der Mateo isch würklech eifach zum verknuddle - mängisch o chly zu sim Nachteil (so i Bezug uf die eutere Brüetsche (vor auem der Noel) wo ihn anduurend wei chnuuschte u küsse bzw. abschlabere ;-) ). I schribe Dir de uf fb usführlecher zrügg, wenn i mou wider chly Zyt finge - aber afe merci viumou für Diner liebe Wort u ganz e' liebe Gruess zrügg a Di u Dini Familie * Céline.

Kommentar vom Mittwoch, 7. Dezember 2011

Liebi Ursle,
Merci viumou für's A-mi-dänke! Es isch auso kes Samichlöisli worde - mi Buuch isch no geng chugelirund ;-). Naja, bi üs geischteret grad e' so e' nätti Mage-Darm-Grippe umenang, wo mi no zuesätzlech chly uf Trab hautet. Der Timo het se letscht Friti bis Sundi gha, Brünu het's geschter verwütscht u d' Sarina hüt. U hüt het Brünu o no grad Migräne. Naja... Vori isch d' Hebamme verbichoo u het es CTG gmacht - isch auso aues tiptop u mir warte nume no druf, dass es (ändlech) richtig losgeit... U i hoffe, dass sech die Mage-Darm-Grippe übehet, mi o no draznäh!
Ganz viu liebi Grüess zrügg * Céline.

Kommentar vom Freitag, 25. November 2011

Liebs Hottitotti,
Merci viumou für Di Gäschtebuech-Iitrag! I ha mi grad gfrogt, vo welem "facebook-gefällt-mir-Biitrag" dass Du schribsch. Jitz bin i hurti uf mis fb-Profiu go luege: das ha auso nid i aaklickset - i muess de do no es Wörtli mit üsem Töchterli rede. Um die aagähni Zyt bin i nämlech ganz sicher nid online gsy - aber vor em Mittag isch der IPad zum Lade iigsteckt gsy, obwou Brünu u i ne geschter am Obe no hei glade?!? So chunnt me dene Ching eifach geng wider uf d' Schlichi ;-)... I ha ne scho mängisch gseit, dass i eifach (fasch) aues merke, wo si mache u nid sötte... Aber si wei mer's no geng nid so gloube ;-).
Jo, i muess aube o lache, wenn i die Chindermund-Biiträg nach eme Zytli wider lise. Me vergisst so schnäu! Der Nando het die Wuche o wider eine brocht, won i leider scho zwo Stung speter nümm gwüsst ha - grummel...
Auso, i wünsche Dir no schöni Märit-Vorbereitige - i weiss no nid, ob i o chume. I wett eifach unbedingt no so viu näie u geng chunnt mer wider Öppis derzwüsche. Nächscht Wuche louft d' Zwöijohres-Garantie vo üsem Huus ab u so hei mer im Momänt geng wider chly Handwärcher im Huus, derzue hie u dert e' Termin, hie u dert no chly pützele u wösche u nusche - u scho isch wider e' Tag düre. Brünu het vor eme Chehrli gseit, är würd süsch de mit de Ching a Adväntshöck go u i chönnt mou chly usspanne - aber vilech het er das jo scho wider vergässe? Mou luege...
Auso, no ganz e' schöne Nomi u ganz e' Huufe liebi Grüess * Céline & Co.

Kommentar vom Freitag, 25. November 2011

Liebi Ursle,
So, jitz nomou e' Versuech... I ha geschter am Obe scho uf em IPad müehsamscht e' Antwort zämetippet - u won i se ha wöue spichere, isch mini "Login-Zyt" abglüffe gsy. I ha's uf däm Grät nid emou zstang brocht, dä Text z' kopiere, für dass i ne nach eme ernöite Login nomou hätt chönne iifüege - grummel. U nomou schriibe han i o grad nid möge, wüu i das uf em IPad so müehsam finge...
Auso, merci viumou für au Diner liebe Wort - es het mi sehr gfröit, vo Dir z' läse! Jo, jitz geit's auso würklech nümm lang: im Prinzip chönnt's jo jede Momänt losgoh. Aber i füehle mi no gar nid "geburtsbereit" u cha no gar nid so gloube, dass mir scho gly eis meh sy... Zumou i no ganz e' Huufe wett mache: näie, dekoriere, iirichte, putze, wäsche... Mou luege: vilech het üses Chlyne jo angeri Plän aus i u no chly e' sturere Chopf - u de wirden i de vilech plötzlech überrascht ;-). Uf au Fäu muesch nümm lang warte, bis D' weisch, was es het gäh u wie's heisst...
Uf dä Momänt, won i das chlyne Wunder s' erschte Mou darf i de Arme ha u gspüre u schmöcke, fröien i mi o scho ganz fescht. Das sy würklech zouberhafti Ougeblicke, wo me nie meh vergisst!
Merci für's A-mi-dänke u ganz e' Huufe liebschti Grüess * Céline.

Kommentar vom Donnerstag, 24. November 2011

Liebi Nicole,
Merci viumou für dä lieb Gäschtebuech-Iitrag u die guete Wünsch - es het mi sehr gfröit, vo Dir z'läse! Jo, d' Zyt vergeit auso würklech wie im Flug - u i de nächschte zwo Wuche sy mer scho eis meh! I cha's auso no fasch nid gloube... Aber das wird sech de schnäu ändere, we de üses chlynschte Schätzeli do isch ;-). I bi jo o scho gspannt weli Fraktion i üsere Hushautig verstercht wird: die männlechi oder die wiblechi? Scho gly wüsse mir's jo...
Auso, ganz viu liebi Grüess zrügg u no ganz e' schöne Obe * Céline.

Kommentar vom Samstag, 5. November 2011

Liebe Carmen,
Ganz herzlichen Dank für Deinen Gästebuch-Eintrag! Er hat mich sehr gefreut - und natürlich hat die Tatsache, dass er von einer Grossfamilie stammt, die Freude gleich noch etwas gesteigert. Es gibt sie halt schon nicht mehr so oft, die Grossfamilien. Obwohl ich uns (noch ;-) ) nicht dazuzähle. Ich nenne uns "grössere Familie". Wie Du schreibst, versuche ich die zauberhafte Zeit, die vor uns liegt, ganz fest zu geniessen - denn ich liebe das auch so sehr... Schön, gibt es noch andere Frauen, die gleich denken und fühlen!
Nun wünsche ich Euch ein ganz schönes Wochenende und schicke Euch liebe Grüsse * Céline.

Kommentar vom Sonntag, 7. August 2011

Liebe Esther,
Danke vielmals für Deinen lieben Gästebuch-Eintrag! Ja, wir haben uns immer eine grosse Familie mit vielen Kindern gewünscht und sind nun einfach dankbar, dass dieser grosse Wunsch in Erfüllung gegangen ist und wir viele fröhliche und gesunde Kinder um uns haben dürfen. Es ist, wie Du es schreibst: für mich gibt es nichts Schöneres, als das Wunder von Schwangerschaft und Geburt erleben zu dürfen und danach der unbeschreiblichen Entwicklung der Kinder zuzusehen und sie darin zu begleiten und zu unterstützen.
Ich möchte Euch von Herzen auch viele gute Wünsche und Gedanken zurückschicken: natürlich für die ganze Familie - aber vor allem für Euer fünftes Wunder, das ihr schon bald (aber nicht zu bald!) in Eure Arme schliessen dürft. Du kannst gute Wünsche und Gedanken sicherlich auch sehr gut gebrauchen im Moment: ich drücke Dir/Euch ganz fest die Daumen, dass Euer Bauchbewohner noch lange warten mag, dass sich die Situation bald entschärft und Du wieder etwas aufstehen darfst. Ich stelle mir das fast unmöglich vor: das Bett hüten zu müssen mit vier Kindern nebendran. Konntest Du Dir Hilfe organisieren oder wie schaffst Du das? Ganz viel gute Nerven und Zuversicht möchte ich für Dich auch gleich noch mitschicken...
Ach ja: natürlich habe ich Eure Homepage auch gleich besucht und hatte grosse Freude an der wunderschön gestalteten Seite mit diesen gemütlichen, einladenden Fotos! Ganz genau mein Geschmack! Leider konnte ich nicht alle Seiten besuchen, aber das kann ich verstehen...
Nochmals von Herzen alles Liebe und Gute für Euch sieben und ganz liebe Grüsse * Céline.